Camiño, froito do labor sacerdotal que san Josemaría Escrivá iniciara en 1925, aparece publicado por primeira vez en 1934 (en Cuenca, España) co título de "Consideracións Espirituais". Na edición seguinte -realizada en Valencia en 1939-, o libro, notablemente ampliado, recibe xa o seu título definitivo. Desde entón difundiuse cun ritmo sostido e progresivo. Actualmente, publicáronse de camiño máis de 5.000.000 de exemplares en máis de 50 idiomas.

Camiño ten un estilo directo, de diálogo sereno, no que o lector se atopa fronte as esixencias propias da vida cristiá nun ambiente de confianza e amizade. Cando se publicou en Italia, L'Osservatore Romano comentou: "Mons. Escrivá de Balaguer escribiu máis que unha obra mestra, escribiu inspirándose directamente no corazón, e ao corazón chegan directamente, un a un, os parágrafos que forman Camiño."