Individualmente, sen formar grupo –é imposible que o formedes pois todos e cada un gozades dunha liberdade ilimitada en todo o temporal–, tomade parte activa e eficaz nas asociacións oficiais ou privadas, porque nunca son indiferentes para o ben temporal e eterno dos homes. Ata unha sociedade de cazadores ou de coleccionistas, por poñer algún exemplo, pódese aproveitar para facer moito ben ou moito mal: todo depende dos homes que as rexen ou as inspiran.

Aínda que, como vos dixen, traballades individualmente –con liberdade e responsabilidade persoais– neses terreos, sabede que facedes un servizo a Deus o noso Señor cando formades ao voso redor a outros irmáns vosos –orientándovos; sen torcer, como é lóxico, as súas propias inclinacións–, que vos poidan substituír ou suceder, para que nunca, por falta dun de vós, quede unha parcela de campo ao descuberto.

Así actuaron os primeiros cristiáns