En diálogo co Señor recolle a predicación de san Josemaría a membros do Opus Dei, que vivían ou traballaban con el en Roma, desde 1954 a 1975. Aínda que contén intervencións espazadas no tempo, atópanse algunhas ideas comúns nos 25 textos, como a invitación para identificarse persoalmente con Xesucristo, as consideracións sobre a filiación divina, o amor a Deus e á Igrexa, os temas da oración e a vida contemplativa, a procura do amor na vida ordinaria, a humildade ou a caridade fraterna.

As súas palabras foron publicadas para un público xeral en 2017, no contexto das edicións critico-históricas das súas obras completas. Referíndose a esa edición, dicía Mons. Javier Echevarría en 2016: “moitas outras persoas -ademais dos fieis do Opus Dei- descubran unha axuda para tratar a Deus con confianza e afecto filial”. O seu título “manifesta ben o contido e finalidade desta catequese: axudar a facer oración persoal.” O texto que aquí se recolle é o que se publicou en 2019. É máis divulgativo, sen notas críticas.