É Cristo que pasa recolle 18 homilías de san Josemaría que toman por motivo diversas festas distribuídas ao longo do ciclo litúrxico. O fío condutor é a filiación divina, que implica a chamada universal á santidade, a santificación do traballo ordinario, a contemplación no medio do mundo, a unidade de vida. A primeira edición é de 1973.

O beato Álvaro del Portillo explica na presentación do libro que este volume recolle unha pequena parte da gran catequese que levou a cabo o fundador do Opus Dei coa súa predicación. "As homilías non constitúen un tratado teolóxico, no sentido corrente da expresión. Non foron concibidas como un estudo ou unha investigación sobre temas concretos; están pronunciadas a viva voz, ante persoas das máis diversas condicións culturais e sociais, con ese don de linguas que as fai alcanzables a todos. Pero eses pensamentos e consideracións están tecidos no coñecemento asiduo, amoroso da Palabra divina. Mons. Escrivá de Balaguer non se dirixe -non hai que perder de vista que son textos falados- a un auditorio de especulativos, de curiosos da espiritualidade cristiá. Fala a persoas de carne e óso, que teñen xa na alma a vida de Deus ou que, barruntando o amor divino, están dispostos a achegarse a El".