Begira Mariari. Inoiz ez da izan sorkaririk Jainkoaren nahiari umiltasun handiagoz bere burua eman dionik. Ancilla Domini-ren³⁷ umiltasuna, Jainkoaren mirabearena da, hain zuzen ere, causa nostrae laetitiae, gure pozaren iturri bezala deitua izatearen arrazoia. Eva, bekatu egin ondoren, eroturik Jainkoaren pareko egin nahiez, Jainkoagandik ezkutatzen zen, lotsaturik: triste zegoen. Maria, Jainkoaren mirabe zela aitortuz, Jainko Hitzaren Ama egina izan zen, eta pozez bete zen. Ama on honen poztasun hau gu guztiei itsats dakigula: horretan, Beraren –Ama Birjinaren– antzeko izan gaitezela, eta horrela, Kristoren antz handiagoa izango dugu.