Sendoak eta eramankorrak: bareak. Ez ordea senideekiko axolagabekeriaz bere lasaitasuna erosten duenaren baretasunarekin; ezta ere guztioi dagokigun eginkizun eder horretaz, mundu osoan neurririk gabe ongia zabaltzeaz, ahaztuz. Bare, badagoelako beti barkamena, gauza guztientzat konponbide bat aurkitzen delako, heriotzarentzat izan ezik, eta Jainko seme-alabentzat, heriotza bizitza da. Bareak, beste arrazoirik ez balego ere, adimenez jardun ahal izateko behintzat: Lasai mantentzen dena, pentsatzeko egoeran aurkitzen da, alde onak eta txarrak aztertzeko, aurrez ikusitako egintzen emaitzak zuzen aztertzeko. Eta gero, lasai, segurtasunez esku hartzen du.