Jesusen Gizatasun guztiz Santua miretsi eta maitatzean, banan-banan aurkituko ditugu Haren Zauriak. Eta ezkutatzen saiatzen garen purgazio une horietan, neketsuak, gogorrak, malko gozo eta mingotsezkoak, Zauri guztiz Santu haien bakoitzaren barruan sartzeko beharra sentituko dugu: garbitzeko, Odol salbatzaileaz gozatzeko, sendotzeko. Eskriturak¹⁴ dioen bezala, usoak ekaitzaren orduan harkaitz zuloetan babesten diren bezala joango gara. Aterpe horretan ezkutatzen gara, Kristoren kutuntasuna bilatzeko: eta bere mintzaira atsegina eta bere aurpegia ederra dela ikusiko dugu¹⁵, zeren eta haren ahotsa leuna eta maitagarria dela dakitenak, Ebanjelioaren grazia jaso zutenak baitira, esanez: Zuk betiko bizitzako hitzak dituzu¹⁶.